د اوبو یا محلولونو د یوې نیمه د نفوذ وړ پردې څخه تیریدنې ته د آسموس عملیه ویل کیږي، په بل عبارت هغه پروسه چې په هغې کې د یو کم غلظت لرونکی محلول څخه د یو حلال مالیکولونو، د یو لوړ غلظت لروکی محلول د یوې نیمه د نفوذ وړ پردې له لارې تیر شی نو د آسموس عملیه ترسره کیږی.

دآسموس عمومي اصطلاح په ۱۸۵۴ کال کې د یو انګلیسي کیمیا پوه د توماس ګراهام په نوم په واسطه معرفي شو، د آسموس د عملیې پیښه هغه وخت ترسره کیږی چې یوه ماده د یوې نیمه د نفوذ وړ پردې څخه تیریږي تر څو وکړای شي د بلې مادې غلظت متعادله کړي نو د آسموس عملیه هغه پروسه ده چې هغې کې مواد په دوه ځایوکې چې مختلف غلظتونه لری خپریږی. دآسموس عملیه په خپله او پرته له کومې انرژي مصرفولو د حجرې له خوا تر سره کیږي.

دآسموس عملیه له کیمیاوي محلولونو (Chemical Solutions) سره سر او کار لري او محلولونه دوه برخې لري

• حل کوونکي (Solvent)
• حل کیدونکي (Solute)

کله چې حل کیدونکې ماده په حل کوونکې ماده کې حل کیږي وروستۍ لاس ته راوړنه د محلول په څیر په پام کې نیول کیږي د مثال په توګه د اوبو او د مالګې محلول د یو ساده محلول نمونه ده ، مالګه حل کیدونکې ماده او اوبه د حل کوونکې مادې په څیر راځي.