د مخدراتو او د هوا د ککړتیا اغیزې پر تنفسي سیستم:

د هوا ککړتیا او د تنفسي ناروغیو ترمنځ مستقیمه اړیکه شته. د سګریټ لوګي او د ښارونو ککړه هوا د هغو عواملو څخه دي چې د برونشیت مزمن، امفیزم او د سږو سرطان په څېر ناروغیو سبب ګرځي.

برونشیت مزمن: دا ناروغي د تنفسي سیستم دوامداره حساسیت دی چې د ټوخي، بلغم او تنفسي ستونزو لامل ګرځي. د سګریټ لوګي، سلفر ډای اکساید، نایتروجن ډای اکساید او اوزون په دې ناروغۍ کې مهم رول لري.

امفیزم: د دې ناروغۍ نښې نښانې د تنفسي ستونزې دي چې تر دې حده چې ناروغ حتی د عادي فعالیتونو لکه ګرځېدل او خبرې کول لپاره د اکسیجن کمښت سره مخ کیږي. د هوا ککړونکي مواد او سګریټ د دې ناروغۍ د رامنځته کېدو سبب کیږي. د سګریټ کارول د ستونې، خولې او سږو ته زیان رسوي او د شونډو، ژبې، ستونې، حنجرې او سږو د سرطان خطر زیاتوي. تر ۹۳٪ زیات د ستونې-خولې سرطانونه د سګریټ د کارولو له امله رامنځته کیږي. سربیره پردې، سګریټ د خولې بد بوی، د غاښو خرابیدل او د ګنګرو ناروغۍ لامل ګرځي.

په لاندې تصویرونو کې سالم سږې او د ککړتیا له امله اغیزمن سږې ښودل شوي دي.

دریمه ویدیو: په دې ویډیو کې د مخدراتو د ناوړه اغیزو په اړه کار شوی دی چې څنګه د سګریټ لوګي د انسان د تنفسي سیستم سږې تخریبوي.